შვედი კარიკატურისტი, ლარს ვილსკი, რომელიც სავარაუდოდ კოპენჰაგენის თავდასხმის მთავარი სამიზნე იყო, საიდუმლო თავშესაფარში იმყოფება.

ამის შესახებ განცხადებას, შვედეთის პოლიციის წარმომადგენელი ავრცელებს.

მისი თქმით, ქალაქი, რომელშიც ვილსკი ცხოვრობდა, მისთვის უსაფრთხო აღარ იყო, სწორედ ამიტომ მისი ამჟამინდელი ადგილსამყოფელი გასაიდუმლოებულია.

შეგახსენებთ, 14 თებერვალს ტერორისტები სწორედ იმ კაფეს დაესხნენ თავს, სადაც ვილკსი რელიგიურ თემაზე სემინარს ატარებდა. თავდასხმას ერთი ადამიანი ემსხვერპლა, 3 პოლიციელი კი დაიჭრა.

BBC-ის ინფორმაციით, მუჰამედის კარიკატურების დახატვისთის, შვედ კარიკატურისტს სიკვდილით ადრეც ემუქრობოდნენ.