მოსკოვში, ფულის მოპარვის ბრალდებით, კიკბოქსინგში მსოფლიოს ოთხგზის ჩემპიონი ირაკლი ღვინჯილია დააკავეს.

შემთხვევა კაფე „შოკოლადნიცაში“ მოხდა, სადაც ღვინჯილიამ ერთ-ერთი კომერციული კომპანიის დირექტორს 70 000 რუბლი მოპარა.

დაკავებულმა ჩადენილი დანაშაული აღიარა. პოლიციამ ქართველი სპორტსმენის აღიარებითი ჩვენება გაითვალისწინა და ქალაქიდან გაუსვლელობის ხელწერილით, სასამართლომდე გაათავისუფლა.

რუსული წყაროების ცნობით, დანაშაული 4 იანვარს განხორციელდა, თუმცა, გამოძიება თვეზე მეტ ხანს მიმდინარეობდა.