უკრაინის ახალი გენერალური პროკურორი, ვიქტორ შოკინი აცხადებს, რომ მისი ახალი გუნდი ჟურნალისტ გიორგი ღონღაძის მკვლელობას აუცილებლად გამოიძიებს და მათ ვინაობას დაასახელებს, ვინც ჟურნალისტის მოკვლის ბრძანება გასცა.

მისივე თქმით, ღონღაძის საქმის გამოძიებას პირად კონტოლზე აიღებს.

„დარწმუნებული ვარ ახალი გუნდი, იპოვის და დაასახელებს ღონღაძის მკვლელებს. ამ საქმის გამოძიებას პირადად მე ვუხელმძღვანელებ“ - განაცხადა შოკინმა.

შეგახსენებთ, რომ ჟურნალისტი გიორგი ღონღაძე კიევში 2000 წლის 16 სექტემბერს დაიკარგა. იმავე წლის ნოემბერში, უკრაინის დედაქალაქთან ახლოს, ტყეში იპოვეს თავმოკვეთილი გვამი, რომელიც ექსპერტთა დასკვნით, ღონღაძეს ეკუთვნოდა.

უკრაინის პროკურატურას ჟურნალისტის მკვლელობა დღემდე არ გამოუძიებია.