ექსკლუზივი: სად იყო გია სოსანაშვილი მკვლელობის წინა ღამეს, რას ჰყვებიან ყარაფილაში

სამართალი - 18:10, 16 Feb, 2015

8883

იური ვაზაგაშვილის ლიკვიდაციაში ბრალდებული გია სოსანაშვილი 19 იანვარს ვაზაგაშვილის აფეთქების წინა ღამეს ნათესავთან ზაურ მელაძესთან ერთად გვიან ღამემდე ილხენდა - ამის შესახებ ,,ნიუპოსტს“ ოჯახის დიასახლისი მაია მელაძე უყვება.

ქალბატონის თქმით, გია სოსანაშვილი მათთან საღამოს საათებში მას შემდეგ მივიდა, რაც სოფელში ერთ-ერთ ოჯახში სამძიმრის სათქმელად იყო ჩასული. ,,მე გასვენებაზე გახლდით და იქ მეზობლებს ვეხმარებოდი. გია საღამოს მოვიდა“ - აცხადებს მელაძე. ოჯახის დიასახლისი იმასაც ამბობს, რომ გია სოსანაშვილმა მათთან კონიაკი მიიტანა და რამდენიმე ჭიქა დალია, წასვლის დროს კი დარჩენილი ალკოჰოლური სასმელი თან წაიღო.

თავად ზაურ მელაძემ, რომელმაც 19 იანვრის ღამეს სოსანაშვილს უმასპინძლა, მედიასთან საუბარი არ ისურვა. თუმცა მან, იმ ღამით სოსანაშვილის სტუმრობის შესახებ თანასოფლელებს უამბო.

იური ვაზაგაშვილის და ჟუჟუნა ვაზაგაშვილი ერთ-ერთია მათ შორის რომელმაც ზაურ მელაძისგან იცის, რომ მისი ძმის აფეთქების წინა ღამეს გია სოსანაშვილი ყარაფილაში გვიან ღამემდე იმყოფებოდა.

,,ნიუპოსტთან“ საუბრისას ჟუჟუნა ვაზაგაშვილი ვარაუდობს, რომ სოსანაშვილმა სასაფლაოზე ასაფეთქებელი მოწყობილობა სწორედ მას შემდეგ დაამონტაჟა რაც მელაძეების ოჯახი შეზარხოშებულმა დატოვა.