უკრაინის ანტიტერორისტული ოპერაციების შტაბის ხელმძღვანელის, ანდრეი ლისენკოს განცხადებით უკრაინა კონფლიქტის ზონიდან სამხედრო ტექნიკის გაყვანას ჯერ არ აპირებს.

„კონფლიქტის ზონიდან სამხედრო ტექნიკის გაყვანა, მინსკის მოლაპარაკებების პირველი პუნქტის შესრულებაზეა დამოკიდებული, რომელიც ცეცხლის შეწყვეტას გულისხმობს და რასაც „ბოევიკები“ არ ასრულებენ. გასული დღე-ღამის განმავლობაში სეპარატისტების მხრიდან 112 თავდასხმა ცეცხლის შეწყვეტას არ ნიშნავს. ამიტომ ჩვენ არ ვართ მზად აღმოსავლეთ უკრაინიდან მძიმე სამხედრო ტექნიკა გავიყვანოთ“- განაცხადა ლისენკომ.

შეგახსენებთ, 12 თებერვალს მინსკის სამშვიდობო მოლაპარაკებზე „ნორმანდიული ოთხეული“ აღმოსავლეთ უკრაინაში ცეცხლის შეწყვეტასა და სამხედრო ტექნიკის გაყვანაზე შეთანხმდნენ.

ცეცხლის შეწყვეტის რეჟიმი 15 თებერვლიდან ამოქმედდა.

მიუხედავად ამისა, სეპარატისტებმა უკრაინული სამხედროების პოზიციებს 112-ჯერ, დებალცევოს და მიმდებარე სოფლებს კი 88-ჯერ შეუტიეს.