კახა კუკავა რომ იგულისხმება, ამას ხაბურძანია არც მალავს, ,,ასევე არის პიროვნება, რომელიც მომწონს, მაგრამ მის გვარს არ დავასახელებ. ასევე არის ხალხი, რომელიც ჯერ არ გმოჩენილა ასპარეზზე. მაქვს კონტაქტები, უბრალოდ, ჯერ ვერ და არ დავასახელებ კონკრეტულ სახელებსა და გვარებს’’.

სამაგიეროდ, გაზეთ ,,პრაიმტაიმთან’’ ექსკლუზიურ ინტერვიუში, მისი დროის უშიშროების კადრებს ასახელებს, რომლებიც ამჟამად ხელისუფლების მაღალჩინოსნები არიან.

,,საკადრო პოლიტიკას მე ვერ დავიწუნებ, რადგან იქ ჩემი ყოფილი კადრებია. მე მათ ვენდობოდი და მომწონდა’’, - აცხადებს ვალერი ხაბურძანია და მათ შორის ირაკლი ალასანიას, ლაშა ნაცვლიშვილს და შს მინისტრის ორ მოადგილეს ასახელებს,

,,ლაშა ყოველთვის პროკურატურაში მუშაობდა და მისი საქმიანობა იქ იყო. რაც შეეხება შსს-ს, მინისტრის ორივე მოადგილე ჩემი ყოფილი კადრია. გელა ხვედელიძე და ბადრიაშვილი, ისინი ჩემთან სამმართველოს უფროსები იყვნენ. როდესაც ჩემს კადრებზე ვლაპარაკობ, ირაკლი ალასანისაც ვგულისხმობ, რადგან ის ჩემთან მუშაობდა. თუ გელა ხვედელიძე ითვლება ჩემს კადრად, ალასანიაზეც იგივე შეიძლება ვთქვათ, რადგან უშიშროების სამინისტროში მე მივიყვანე’’- განაცხადა უშიშროების ყოფილმა მინისტრმა გაზეთ ,,პრაიმტაიმთან’’ საუბრისას.