უკრაინის ანტიტერორისტული ოპერაციების შტაბის ხელმძღვანელის, ანდრეი ლისენკოს განცხადებით, პრორუსულმა სეპარატისტებმა დებალცევოს აღების ბრძანება მიიღეს.

„ჩვენს ხელთ არსებული ოპერატიული ინფორმაციით, „ბოევიკებმა“ მიიღეს ბრძანება ნებისმიერ ფასაც აიღოდ დებალცევო და მოახდინონ უკრაინელი მებრძოლების პროვოცირება“- განაცხადა ლისენკომ დღეს გამართულ ბრიფინგზე.

მინსკის სამშვიდობო მოლაპარაკების ძალაში შესვლის მიუხედავად, სეპარატისტები საბრძოლო მოქმედებებს არ წყვეტენ.

ცეცხლის შეწყვეტის რეჟიმის დაწყების შემდეგ, ბოევიკებმა უკრაინული სამხედროების პოზიციებს 112-ჯერ, დებალცევოს და მიმდებარე სოფლებს კი 88-ჯერ შეუტიეს.

მინსკის თებერვლის ხელშეკრულების მიხედვით, აღმოსავლეთ უკრაინაში ცეცხლის შეწყვეტის რეჟიმი 15 თებერვლიდან ამოქმედდა.