რუსეთის საგარეო საქმეთა სამინისტრო განცხადებას ავრცელებს, რომელშიც ევროკავშირის მიერ „შავი სიის“ გაფართოებას აპროტესტებს და აცხადებს, რომ მოსკოვი ადეკვატურ პასუხს გასცემს.

„მინსკის სამშიდობო შეთანხმების ფონზე, სანქციების გაფართოება არალოგიკურია. რუსეთი სანქციების გაფართოებას ადეკვატურ პასუხს გასცემს“ - ნათქვამია სამინისტროს მიერ გავრცელებულ განცხადებაში.

შეგახსენებთ, ევროკავშირმა რუსეთის წინააღმდეგ უკრაინის კონფლიქტთან დაკავშირებით შემოღებული „შავ სია“ გააფართოვა და მას 19 ფიზიკური და 9 იურიდიული პირი დაემატა.

გაფართოებულ „შავ სიაში“ რუსეთის თავდაცვის მინისტრის მოადგილე, ანატოლი ანტონოვი, სახელმწიფო დუმის დეპუტატი და რუსეთის სახალხო არტისტი, იოსებ კობზონი და სხვა რუსი მაღალჩინოსნები მოხვდნენ.