ხორვატიის დედაქალაქ ზაგრებში, 46 წლის კოლინდა გრაბარ - კიტანოვიჩის ინაუგურაციის ცერემონიალი გაიმართა. ხორვატიის ყოფილი საგარეო საქმეთა მინისტრი ყველაზე ახალგაზრდა და პირველი ქალი პრეზიდენტია ქვეყნის ისტორიაში.

„ყველაფერს გავკეთებ იმისთვის, რომ ხორვატია ისეთი მდიდარი ქვეყანა გახდეს, საიდანაც ახალგაზრდებს წასვლის სურვილი არ ჰქონდეთ და იმაზე მეტი ადამიანი იბადებოდეს, ვიდრე იღუპება“ - განაცხადა კიტანოვიჩმა სიტყვით გამოსვლისას.

მისი თქმით, ქვეყნის პრიორიტეტი ახალგაზრდების დასაქმება და ახალი სამუშაო ადგილების შექმნა იქნება.

„ჩემი საქმიანობა ახალგაზრდებზე იქნება ფოკუსირებული. ჩვენ უნდა მიცეთ მათ სამუშაო ადგილები, მთავრობამ ახალგაზრდების ხმა უნდა მოისმინოს“- აღნიშნა ხორვატიის პირველმა პრეზიდენტმა ქალმა.