დანიის პოლიციამ კოპენჰაგენის თავდასხმებში ეჭვმიტანილი 2 პირი დააკავა.

მათ, 22 წლის ომარ ელ-ჰუსეინის დამხარებაში ედებათ ბრალი.

შეგახსენებთ, შაბათს დანიის დედაქალაქ კოპენჰაგენში 22 წლის შეიარაღებული მამაკაცი კულტურის ცენტრს დაესხა თავს, სადაც მიმდინარეობდა საჯარო დებატები თემაზე "ღვთის გმობა და აზრის თავისუფალი გამოხატვა". თვითმხილველთა ცნობით, შეიარაღებულმა თავდამსხმელმა დაახლოებით 40 გასროლა მოახდინა შენობის მიმართულებით. შედეგად დაიღუპა დებატების 40 წლის მონაწილე და დაიჭრა 3 პოლიციელი.

რამდენიმე საათის შემდეგ სროლის ხმა ქალაქის სინაგოგასთან გაისმა, სადაც სასიკვდილოდ დაიჭრა 55 წლის ებრაული წარმოშობის მამაკაცი, რომელიც საავადმყოფოში გარდაიცვალა.

დანიურ მედიაში გავრცელებული ინფორმაციით, სამართალდამცავებმა თავდასხმებში ეჭვმიტანილი, 22 წლის ომარ ელ-ჰუსეინი მოკლეს.

ამ დრომდე დაუდგენელია, კავშირშია თუ არა ეს შემთხვები ერთმანეთთან და არის თუ არა ეს თავდასხმები რელიგიურ ნიადაგზე განხორციელებული.