ნატო-ს გენერალური მდივნის, იენს სტოლტენბერგის თქმით ალიანსი უკრაინას სამხედრო რეფორმის გატარებაში დაეხმარება.

„ უკრაინას სამხედრი რეფორმის გატარება სჭირდება, ალიანსი მას პრაქტიკული მხარდაჭერით უზრუნველყოფს. რაც შეეხება თავდაცვით იარაღის მიწოდების საკითხს, ამის თაობაზე თავად ნატო-ს წევრი ქვეყნები დამოუკიდებლად მიიღებენ გადაწყვეტილებას“ - განაცხადა ალიანსის გენერალურმა მდივანმა გაზეთ „კომერსანტთან“ მიცემულ ინტერვიუში.

მისი თქმით, არსებობს განსხვავება, იარაღი ლეგიტიმურ მთავრობას გადაეცემა, თუ სეპარატისტებთან მებრძოლ სამხედროებს.

სტოლტენბერგმა აღნიშნა, რომ ნატო რუსეთთან კონსტრუქციულ პარტნიორობას ცდილობს და მასთან კონფრონტაცია არ სურს.

„რუსეთმა პატივი უნდა სცეს ყველა ქვენყნის სუვერენიტეტს“ - დასძინა სტოლტენბერგმა.