ამერიკის ელჩმა უკრაინაში, ჯეფრი პაიატმა, „ტვიტერის“ გვერდზე უკრაინის ქალაქ დებალცევოსთან განთავსებული რუსული არმიის კუთვნილი ტექნიკის ამსახველი ფოტომასალა გამოაქვეყნა.

"სეპარატისტებს უფრო მეტი შეიარაღება აქვთ აღმოსავლეთ უკრაინაში, ვიდრე ზოგ ევროპულ და ნატოს წევრ ქვეყანას -" აცხადებს ამერიკის შეერთებული შტატების ელჩი უკრაინაში.

მისი თქმით, კონფლიქტის რეგიონში არსებული ჯავშანტრანსპორტი და სარაკეტო სისტემები, „ბოევიკებს“ არ ეკუთვით. ისინი რუსეთის ტერიტორიდანაა შეყვანილი.

დღეს დილით, აშშ-ის სახელმწიფო დეპარტამენტის ოფიციალური წარმომადგენელმა, ჯენ პსაკიმ რუსეთი დებალცევოში გამაგრებული სეპარატისტებისთვის იარაღის გადაცემაში დადანაშაულა.

მისივე თქმით, რუსმა ჯარისკაცებმა დებალცევოსთან ჰაესაწინააღმდებო თავდაცვითი სისტემებიც განათავსეს.

ცეცხლის შეწყვეტის რეჟიმის ამოქმედებამდე რამდენიმე საათი რჩება. აღმოსავლეთ უკრაინაში კი სეპარატისტების თავდასხმები მთელი დღის განმავლობაში მიმდინარეობს.

შეგხსენებთ, კონფლიქტის ზონაში ცეცხლის შეწყვეტის რეჟიმი 15 თებერვლიდან ამოქმედდება.