აღმოსავლეთ უკრაინაში სეპარატისტების თავდასხმები არ წყდება.

„ბოევიკები“ ქალაქ დებალცევოს უტევენ.

ამის შესახებ, უკრაინის შინაგან საქმეთა სამინისტროს მთავარი სამმართველოს ხელმძღვანელი, ვიაჩესლავ აბროსკინი „ფეისბუკის“ გვერდზე წერს.

„დებალცევოში საცხოვრებელი სახლები და შენობები განუწყვეტლივ იბომბება. ქალაქი იწვის“- წერს აბროსკინი.

დილით, პრორუსულმა სეპარატისტებმა „გრადის“ ტიპის სამხედრო ტექნიკის მეშვეობით პოლიციის შენობაც დაბომბეს.

ცეცხლის შეწყვეტის რეჟიმის ამოქმედებამდე რამდენიმე საათით ადრე, "ბოევიკები" აღმოსავლეთ უკრაინის ქალაქების დაბომბვას არ წყვეტენ.

შეგახსენებთ, მინსკის მოლაპარაკების მიხედვით, კონფლიქტის რეგიონში ცეცხლის შეწყვეტის რეჟიმი 15 თებერვლიდან ამოქმედდება.