მინსკში მიღწეული შეთანხმების თანახმად დღეს ღამის 00 საათზე აღმოსავლეთ უკრაინაში ცეცხლის შეწყვეტის რეჟიმი უნდა ამოქმედდეს.

უკრაინის პრეზიდენტი პეტრო პოროშენკო აცხადებს, რომ მინსკის შეთანხმების შესრულება საფრთხეშია, რადგან დონბასში სროლა ისევ მიმდინარეობს და არიან დაღუპულები და დაჭრილები.

"არ მინდა ვინმემ ილუზიებით მოიტყუოს თავი, მიამიტი არც მე ვარ, ჩვენ ჯერ კიდევ ძალიან შორს ვართ მშვიდობისგან, არავის სჯერა, რომ მინსკში შეთანხმებული სამშვიდობო პირობები ზუსტად შესრულდება"- განაცხადა პოროშენკომ.

პოროშენკოს განცხადებით, იმ შემთხვევაში, თუ ცეცხლის შეწყვეტის შეთანხმება არ შესრულდება, კიევი საგანგებო ზომებს მიმართავს.

ცეცხლი დღეს ღამის 00.00-ზე უნდა შეწდეს. წინააღმდეგ შემთხვევაში, უკრაინა ევროსაბჭოს საგანგებო სხდომის მოწვევას მოითხოვს.