პიროვნება, რომელმაც დაინახა, რომ ზურაბ ჟვანიას და რაულ უსუპოვის გვამები შემთხვევის ადგილზე მიიტანეს პროკურატურამ უკვე დაკითხა.

ამის შესახებ გადაცემა „რეაქციაში“ ექსპრემიერის ძმამ გოგოლა ჟვანიამ განაცხადა.

„მოწმეს, ვინც ცხედრების შეტანა დაინახა, ჩვენება მიცემული აქვს. მან დაინახა, რომ სადარბაზოს მიადგა შავი ჯიპი და იქიდან გადმოასვენეს ზურა და რაულ უსუპოვი“, - აცხადებს გოგლა ჟვანია.

რაულ უსუპოვის მამამ იაშარ უსუპოვმა კი აღნიშნა, რომ სწორედ გადაადგილების დროს გაძვრა ფეხსაცმელი მის შვილს.

„ერთი ეუბნეოდა მეორეს დარჩა ფეხსამელიო, მაგრამ ვერ მოასწრეს ფეხსაცმლის აღება“, - განაცხადა უსუპოვმა.