მსოფლიოში ყველაზე ცნობილი კუანა

ეს საინტერესოა - 14:21, 13 Feb, 2015

4428

ფარული „ნიჭი“ ჟოზეფმა სრულიად შემთხვევით აღმოაჩინა , ზღვაში ბანაობისას , როცა ღრმად ჩაყვინთა, იგრძნო, რომ უკანა ტანში დიდი რაოდენობით წყალი შეუვიდა. შეშფოთებული და შეშინებული მაშინვე ექიმთან გავარდა, თუმცა მან დაარწმუნა, რომ საგანგაშო ამაში არაფერი იყო. სულ მალე ჟოზეფმა ექსპერიმენტები დაიწყო და დაადგინა, რომ მხოლოდ კუნთების გამოყენებით, უკნიდან დიდი რაოდენობით წყლის შეწოვა, შემდეგ კი დიდი ძალით გამოშვება შეეძლო. ცოტა ხანში უკვე ისიც აღმოაჩინა, რომ არამარტო წყლის , არამედ ჰაერის „შესუნთქვაც“ შეეძლო და ეს პროცესი მან იმდენად სრულყოფილი გახადა, რომ საჯდომით მელოდიების „დაკვრა“ დაიწყო.

30 წლის ასაკში ჟოზეფ პუიოლმა პირველი მასშტაბური წარმოდგენა მარსელში გამართა, შემდეგ კი მთელ საფრანგეთში დაიწყო მოგზაურობა, სადაც ყველგან ანშლაგი ელოდა. 1892 წელს ჟოზეფმა საოცარ წარმატებას მიაღწია თვით „მულენ რუჟში“ გამოსვლის დროს, რამაც უდიდესი პოპულარულობა მოუტანა.

ცოლ- შვილთან ერთად პუიოლი საცხოვრებლად პარიზში გადავიდა , შემდეგ კი მოაწყო ტური ევროპაში და ჩრდილოეთ აფრიკაში.

ასე გრძელდებოდა პირველ მსოფლიო ომამდე , სადაც მისი ორი ვაჟი დაინვალიდდა, ერთი კი ტყვედ ჩავარდა. ამ ყველაფრის გამო მან გამოსვლებზე უარი თქვა.

1945 წელს , მისი გარდაცვალების შემდეგ , მეცნიერებმა ოჯახს 25 ათასი ფრანკი შესთავაზეს, რათა ჟოზეფის სხეული შეესწავლათ , თუმცა შვილები წინადადებას არ დათანხმდნენ და მამა მიწას დიდი პატივით მიაბარეს.