ვლადიმერ პუტინის ყოფილი მრჩეველი, ანდრეი ილარიონოვი აცხადებს, რომ მინკის შეთანხმების ერთადეთი დადებითი შედეგი - ცეცხლის შესაძლო შეწყვეტის შესახებ მიღებული გადაწყვეტილებაა.

ამის შესახებ, ინტერნეტ გამოცემა ZN.UA, Inforesist.org.-ზე დაყრდნობით წერს

„ პუტინმა პრაქტიკულად ყველაფერი მიიღი, რაც უნდოდა, მას არანაირი ვალდებულება არ აიღია. ყველა პასუხისმგებლობა უკრაინას დაეკისრა. უფრო მეტიც, უკრაინის მიერ ვალდებულებების საკუთარ თავზე აღებას მხარი მერკელმა და ოლანდმაც დაუჭირეს“ - განაცხდა ილარიონოვმა ერთერთ ინტერვიუში.

„ნორმანდიული ოთხეულის“ ერთერთ დადებით მიღწევად, ილარიონოვი ცეცხლის შეწყვეტის შესახებ მიღებულ გადაწყვეტილებას მიიჩნევს.

„ ცეცხლის შეწყვეტის რეჟიმის გამოცხადების თარიღად 15 თებერვალი გამოცხადდა. არ გამოვრიცხავ, დარჩენილ დღეებში პუტინმა პროვოკაციას მიმართოს.

სტატიაში ხაზგასმულია, რომ მინსკის შეთანხმება რუსეთს კონფლიქტის მხარედ არ აღიარებს და არც უკრაინაში განხორციელებულ აგრესიაზეა საუბარი.

„შეთანხმებაში არაფერია ნათქვამი ტერორისტული აქტების გამოძიებასა და ტერორისტების დასჯასთან დაკავშირებით“- აღნიშნავს ილარიონოვი.

სტატიის ავტორები მიიჩნევენ, რომ ცეცხლის შეწყვეტის შესახებ მიღებული გადაწყვეტილების საპასუხოდ, უკრაინელმა სამხედროებმა დონბასის სამხედრო გზით გათავისუფლებაზე უარი უნდა თქვან.

მათი თქმით, აღმოსავლეთ დონბასი, ისევე როგორც ყირიმი, უკრაინამ დაუყოვნებლივ უნდა აღიაროს დროებით ოკუპირებულ ტერიტორიად.

შეგახსენებთ, "ნორმანდიული ოთხეული" 16 საათიანი მოლაპარაკების შემდეგ, ცეცხლის შეწყვეტის, სამხედრო ტექნიკის გაყვანისა და ტყვეების გაცვლის საკითხებზე შეთანხმდა. ცეცხლის შეწყვეტის რეჟიმი 15 თებერვლიდან ამოქმედდება.