ფეისბუკი მომხმარებელს გარდაცვალების შემდეგ ექაუნთის კონტროლის საშუალებას აძლევს.

სოციალურ ქსელს ახალი ფუნქცია, ხუთშაბათს დაემატა, რომელიც მომხმარებელს საშუალებას აძლევს შეარჩიოს კონკრეტული მეგობარი, რომელიც მისი გარდაცვალების შემდეგ ექაუნთის ადმინისტრატორი გახდება.

ფუნცია „მემკვიდრე კონტაქტი“ (The legacy contact), ფეისბუკის უსაფრთხოების პარამეტრების მენიუში გამოჩნდა. თქვენ შეგიძლიათ აირჩიოთ ნებისმიერი ფეისბუკ მეგობარი, რომელიც თქვენი გარდაცვალების შემდეგ გვერდს გააკონტროლებს, შეძლებს პროფილისა და ქოვერ პოტოს ატვირთვას.

სოციალური ქსელის ახალი ფუნქცია, ფეისბუკ მეგობრებს მომხმარებლის გარდაცვალების ცნობასაც მიაწვდის.

თქვენს „მემკვიდრე მეგობარს“ შესაძლებლობა ექნება ფეისბუკის გვერდი დახუროს, „ხსოვნის უკვდავსაყოფად გაყინოს“ ან ხელუხლებელი დატოვოს. აღსანიშნავია, რომ ის თქვენი წერილების ნახვასა და მეგობრების წაშლას ვერ შეძლებს.

„მემკვიდრე კონტაქტის“ ფუნქცია ჯერჯერობით აშშ-ის ტერიტორიაზე მცხოვრები მომხმარებლებისთვის არის ხელმისაწვდომი, თუმცა უახლოეს მომავალში მომხმარებელი მსოფლიოს მასშტაბით შეძლებს „ფეისბუკ მემკვიდრის“ დატოვებას.