ევროპალრლამენტის ვიცეპრეზიდენტის, იაცეკ ჩარნეცკის განცხადებით, მერკელმა და ოლანდმა საკუთარი ქვეყნების ეკონომიკური ინტერესების დასაცავად, უკრაინა გაწირეს.

ამის შესახებ იაცეკ ჩარნეცკიმ, უკრაინულ გამოცემა „უნიანთან“ , მინსკის მოლაპარაკებების შესახებ მიცემულ ინტერვიუში განაცხადა.

"მერკელმა და ოლანდმა ევროკავშირის მონაწილეობის გარეშე და საკუთრი ქვეყნების ეკონომიკის დასაცავად უკრაინა გაწირეს. ეს არ არის უკრაინის გამარჯვება. ვფიქრობ, დღეს რუსეთში უფრო უხარიათ, ვიდრე უკრაინაში. თუკი ვინმე ფიქრობს, რომ სეპარატისტები არ დააპირებენ უკრაინის ერთი ასეული ან ჰექტარი მიწის მითვისებას, ძალიან ცდება", - განაცხადა ჩარნესკიმ.