გერმანიის კანცლერის, ანეგალ მერკელის განცხადებით, თუკი რუსეთი აღმოსავლეთ უკრაინაში ცეცხლს არ შეწყვეტს, მოსკოვის წინააღმდეგ ახალი სანქციების დაწესებას არ გამორიცხავს.

ამის შესახებ მერკელმა, ბრიუსელის სამიტის შემდეგ გამართულ პრესკონფერენციაზე განაცხადა.

მისივე თქმით, ევროკავშირის ლიდერებმა ევროკომისიას, რუსეთის წინააღმდეგ მორიგი სანქციების მომზადების თხოვნით უკვე მიმართეს.

ევროსაბჭოს პრეზიდენტის, დონალდ ტუსკის განცხადებით, ევროკავშირი რუსეთის წინააღმდეგ მიღებულ სანქციებს ჯერჯერობით არ გააუქმებს.

შეგახსენებთ, ხუთშაბათს გერმანიის, საფრანგეთის, უკრაინისა და რუსეთის ლიდერები, მინსკის 16 საათიან მოლაპარაკებებზე საშვიდობო ხელშეკრულება მიიღეს და 15 თებერვლიდან აღმოსავლეთ უკრაინაში ცეცხლის შეწყვეტისა და მძიმე სამხედრო ტექნიკის გაყვანის თობაზე შესახებ შეთანხმდნენ.

გასულ კვირას, ევროკავშირმა რუსეთის წინააღმდეგ დაწესებული სანქციები გაამკაცრა. ევროკავშირმა „შავ სიაში“ დამატებით 19 რუსი და პრორუსი სეპარატისტი შეიყვანა, რომელთა წინააღმდეგაც სავიზო და საბანკო შეზღუდვები ამოქმედდება.