მერიის ზედამხედველობის სამსახურის აპარატის უფროსს ჯოკია ბოდოკიას ე.წ. მოდულის შენობაში ბრალი ოფიციალურად წარუდგინეს.

როგორც მოდულის შენობიდან გამოსვლის შემდეგ ადვოკატმა გიორგი ყავლაშვილმა განაცხადა, ბოდოკია მის მიერ წარდგენილ ბრალდებას არ აღიარებს და აცხადებს, რომ ქრთამი არ აუღია.

„ჩემი დაცვის ქვეშ მყოფი დანაშაულს არ აღიარებს. ის დუმილის უფლებას იყენებს, თუმცა ბრალდების შინაარსს გაეცნო. ქრთამის აღებას ის კატეგორიულად გამორიცხავს იმ თვალსაზრისით, რომ რაიმე ქმედებაც რომ იყოს განხორციელებული მისი მხრიდან, ეს არც ერთ შემთხვევაში არ უკავშირდება მას როგორც მერიის თანამდებობის პირს“, - განაცხადა ყავლაშვილმა.

ადვოკატი ვარაუდობს, რომ პროკურატურა ჯოკია ბოდოკიასთვის აღკვეთის ღონისძიებად პატიმრობის შუამდგომლობას დააყენებს. სავარაუდოდ სასამართლო აღკვეთის ღონისძიების შესახებ ხვალ იმსჯელებს.