მინსკში, გერმანიის , საფრანგეთის, უკრაინისა და რუსეთის ლიდერები უკრაინის კრიზისზე 16 საათის განმავლობაში მსჯელობდნენ.
„ნორმანდიული ოთხეულის“ შეხვედრის დასრულების შემდეგ, ვლადიმერ პუტინმა განაცხადა, რომ საკონტაქტო ჯგუფის დოკუმენტს მინსკის შეთანხმების იმპლემენტაციის შესახებ ხელი მოეწერა. მისი თქმით, ცეცხლის შეწყვეტის რეჟიმი 15 თებერვლიდან ამოქმედდება. მხარეები სამხედრო ტექნიკის გაყვანისა და სამშვიდობო ზონის შექმნაზეც შეთანხმდნენ.

შეხვედრის შესახებ, კომენტარი პეტრო პოროშენკომაც გააკეთა.
პოროშენკოს თქმით, უკრაინის ტერიტორიის დატოვება ყველა უცხოურ შეიარაღებულ ფორმირებას მოუწევს.

მინსკის სამშვიდობო ხელშეკრულება მიღწეულია.

დოკუმენტის ოფიციალური ვერსია, ჯერჯერობით არ გამოქვეყნებულა.