კადიროვი ჩეჩნეთში სპეცრაზმების მომზადების მსოფლიო ცენტრის შექმნას აპირებს

მსოფლიო - 12:17, 12 Feb, 2015

1276

ჩეჩნეთის ლიდერმა რამზან კადიროვმა განაცხადა, რომ გუდერმესში შენდება სასწავლო კომპლექსი, სადაც როგორც რუსეთის, ასევე მსოფლიოს სხვა ქვეყნების ელიტური სპეცრაზმების მომზადება მოხდება.

„ჩეჩნეთის რესპუბლიკა გახდება მსოფლიოს ერთ-ერთი მთავარი ცენტრი სპეციალური დანიშნულების რაზმების მომზადების მხრივ“- აღნიშნა კადიროვმა.

უფრო ადრე ჩეჩნეთის მეთაური აცხადებდა, რომ რესპუბლიკის ტერიტორიაზე სპეცრაზმელები მომზადებას ანტიტერორისტული დავალებების შესრულებაში გადიოდნენ.

2013 წელს კი კადიროვმა განაცხადა, რომ სპეციალური დანიშნულების დანაყოფებს ქმნის სირიელი ისლამისტების წინააღმდეგ საბრძოლველად. ამასთანავე კადიროვმა მიანიშნა, რომ სირიელი საველე მეთაური რუსლან მაჩალიკაშვილი, სწორეს ჩეჩნური სპეცრაზმის მიერ იქნა მოკლული.

როგორც უფლებადამცველები აცხადებემ ჩეჩნეთში მიმდინარეობს ძალოვანების მომზადება, რომლებიც მხოლოდ რამზან კადიროვს დაემორჩილებიან და მათი რიცხვი 10 ათასიდან 30 ათასამდე მერყეობს.

2014 წლის დეკემბერში, გროზნოს სტადიონზე შეიკრიბა 20 ატასამდე შეიარაღებული ძალოვანი და პუტინის ნებისმიერი ბრძანების შესრულების მზადყოფნა გამოთქვეს.

რუსი ოპოზიციონერი ბორის ნემცოვმა ამ თემაზე კომენტირებისას განაცხადა, რომ არ ესმის რა გათვლა აქვს პუტინს და რისი იმედი აქვს , როდესაც 20 ათას კადიროველს აიარაღებს.