უკრაინული მედია მინსკში მიმდინარე, 15 საათიანი მოლაპარაკებების შინაარსზე წერს, გავრცელებული ინფორმაციის თანახმად უკრაინას სურს რომ გამყოფი ხაზი იყოს იქ, რაზეც სექტემბერში მოილაპარაკეს, ამავდროულად რუსეთი ცდილობს, რომ „ბოევიკებმა“ უკვე დაპყრობილი ტერიტორიები არ დათმონ.

რაც შეეხება ტექნიკის გაყვანას, რუსეთი ისევ ირწმუნება, რომ უკრაინაში მისი სამხედროები და ტექნიკა არ არის.

ამასთანავე, უკრაინას სურს, საზღვრებზე კონტროლის აღდგენა, რათა შეწყდეს რუსეთიდან იარაღის და სანხედროების შემოდინება, თუმცა რუსეთი თვლის რომ საზღვრის გარკვეულ ნაწილს სეპარატისტები უნდა აკონტროლებდნენ.

რაც შეეხება ავტონომიურ რეგიონებს, რომელსაც ბოევიკები აკონტროლებენ, უკრაინული მხარე ირწმუნება, რომ რეგიონებს ფართო ავტონომიას მიანიჭებს. რუსეთი კი გარანტიებს და აღმოსავლეთ უკრაინაში ფინანსური ბლოკადის მოხსნას ითხოვს.