შესაძლოა საქმის მსვლელობა ძირეულად შეიცვალოს - ზურაბ კიწმარიშვილი ახლი დეტალების შესახებ

სამართალი - 13:35, 11 Feb, 2015

1939

ტელეკომპანია „რუსთავი 2“-ის დამფუძვნებლის, ეროსი კიწმარიშვილის გარდავცალების საქმეში ახალი დეტალები გამოიკვეთა.
როგორც „ნიუპოსტთან" ეროსი კიწმარიშვილის ძმამ, ზურაბ კიწმარიშვილმა განაცხადა, გამოკვეთილმა ახალმა გარემოებებმა შესაძლოა, საქმის მსვლელობა ძირეულად შეიცვალოს და საქმე მკვლელობის მუხლით გადაკვალიფიცირდეს.

„შევთანხმდით რომ პროკურატურაში ხვალ მივალ, ნანა ნკაკაბაძის მიერ გავრცელებული ინფორმაციის შესახებ მე არაფერი ვიცოდი, დღეს გავიგე პირველად და ძალიან მაინტერესებს დეტალები ამ განცხადებასთან დაკავშირებით, თუ არ ვცდები პროკურატურა დღეს დაკითხავს ქალბატონ ნანას. მე მინდა ჯერ პროკურატურამ ჩაატაროს საჭირო ღონისძიებები, და შემდეგ, ქალბატონ ნანასაც პირადად შევხვდები. საქმეში გამოიკვეთა საინტერსეო დეტალები, არ არის გამორიცხული ამ პროცესში გამოძიებისთვის გახდეს ცნობილი ისეთი გარემოებები, რომელიც მას მისცემს საფუძველს მოახდინოს საქცმის კვალიფიკაციაში ცვლილება,“ - განაცხადა ზურაბ კიწმარიშვილმა, "ნიუპოსტთან" საუბრისას.

შეგახსენებთ, რომ უფლებადამცველი ნანა კაკაბაძის ინფორმაციით, კიწმარიშვილის გარდაცვალების შემთხვევის ადგილზე სამართალდამცველებსა და ჟურნალისტებზე ადრე ტაქსით მივიდნენ უცნობი პირები, რომლებიც იმ ავტოფარეხშიც იყვნენ ჩასულები, სადაც ეროსი კიწმარიშვილი გარდაცვლილი ნახეს. ნანა კაკაბაძე აღნიშნულთან დაკავშირებით, პროკურატურას დაკითხვას სთხოვს.