იური ვაზაგაშვილის საქმეზე დაკავებული გია სოსანაშვილის ადვოკატმა მისი დაცვის ქვეშ მყოფი მოინახულა.

თუმცა როგორც „ნიუპოსტთან“ საუბარში სოსო ჯოგლიძემ განმარტა, კონკრეტული გადაწყვეტილება შეხვედრაზე არ მიუღიათ.

„მოვინახულე ჩემი დაცვის ქვეშ მყოფი, თუმცა კონკეტული გადაწყვეტილება არაფერზე მიგვიღია. მოსაფიქრებლად დრო სჭირდება. ორშაბათს ვაპირებ შევხვდე და შემდეგ მივიღეთ გადაწყვეტილებას. ამ ეტაპზე ვაგროვებ მტკიცებულებებს, რაც მთხოვა ჩემი დაცვის ქვეშ მყოფმა“, - განაცხადა ჯოგლიძემ.

მისი განმარტებით, სოსანაშვილი თავს კვლავ უდანაშაულოდ ცნობს და ბრალს არ აღიარებს.

„ჩემი დაცვის ქვეშ მყოფი დანაშაულს არ აღიარებს. მან მთხოვა დრო, რადგან ცოტა ხანი სჭირდება პოზიციების დასაწყობად. ორშაბათს უკვე საქმის მასალებით შევალ და ერთად გავივლით ყველაფერს“, - ამბობს ჯოგლიძე.

შეგახსენებთ, იური ვაზაგაშვილის საქმეზე გია სოსანაშვილი რამდენიმე დღის წინ დააკავეს.