აშშ-ის სახელმწიფო დეპარტამენი და ბრიტანეთის საგარეო საქმეთა სამინისტრო, იემენში საელჩოების დახურვასთან დაკავშირებით განცხადებას ავრცელებენ.

„იემენში უსაფრთხოების მხრივ მდგომარეობის გაუარესების გამო, ჩვენი საელჩო საქმიანობას წყვეტს“- განაცხადეს აშშ-ის სახელმწიფო დეპარტამენტში.

დიდი ბრიტანეთის საგარეო საქმეთა სამინისტროს მიერ გავრცელებული განცხადებით, გაუარესებული ვითარების გამო, საელჩოს თანამშრომლების უსაფრთხოება რისკის ქვეშ დგას. სწორედ, ამიტომ მათ დასაცავად ბრიტანეთი იემენში საელჩოს ხურავს.

ვაშინგტონი და ლონდონი საკუთარ მოქალაქეებს, იემენის დაუყოვნებლივ დატოვებისკენ მოუწოდებენ.

შეგახსენებთ, იემენში ამბოხებულმა შიიტმა ჰუსიტებმა ძალაუფლების ხელში ჩაგდება შეძლეს. მათ დაიკავეს ქვეყნის დიდი ნაწილი, მათ დაითხოვეს პარლამენტი და ქვეყნის სამართავად დროებითი საპრეზიდენტო საბჭო შექმნეს. იემენის პრეზიდენტი აბდ რაბუჰ მანსურ ალ-ჰადი კი იძულებული გახდა გადამდგარიყო.