უკრაინის შეიარაღების საკითხზე დებატები არ წყდება.

აშშ-ის სენატის წევრები, ბარაკ ობამას უკრაინისთვის 1 მილიარდი დოლარის ღირებულების თავდაცვითი იარაღით მომარაგებისკენ მოუწოდებენ.

ინიციატივით, „რესპუბლიკელები“ და „დემოკრატები“ გამოდიან.

გუშინ, შეიარაღებული ძალების კომიტეტს, რესპუბლიკელებმა - მაკ თორნბერმა და ადამ სმითმა კანონპროექტი შესთავაზეს, რომელიც უკრაინისთვის თავდაცვითი იარაღის მიწოდებასა და 2017 წლის 30 სექტემბრამდე უკრაინის შეიარაღებული ძალების წვრთნას ითვალისწინებს.

კონგრესის წევრების მრავალი მცდელობის მიუხედავად, ბარაკ ობამას უკრაინის შეიარაღებასთან დაკავშირებით გადაწყვეტილება ჯერაც არ მიუღია.
ამერიკის პრეზიდენტის დარწმუნებას, სენატის შეიარაღებული ძალების კომიტეტის თავმჯდომარე, ჯონ მაკკეინიც ცდილობს.

„ევროპის მიერ დაწესებული სანქციების მიუხედავად, რუსეთი უკრაინაში აგრესიას არ წყვეტს. ევროპის უსაფრთხოებისთვის ეს ძალიან სერიოზული გამოწვევაა. სწორედ ამიტომ, დროა ამერიკამ იმოქმედოს და უკრაინა ლეტალური იარაღით მოამარაგოს“ - განაცხადა ჯონ მაკკეინმა რამდენიმე დღის წინ.