იური ვაზაგაშვილი შემთხვევით აფეთქებას ემსხვერპლა?

იური ვაზაგაშვილი შემთხვევით აფეთქებას ემსხვერპლა? - რა დეტალზე საუბრობს ადვოკატი

სამართალი - 23:34, 10 Feb, 2015

3790

ასაფეთქებელი მოწყობილობა დილეტანტის მიერ იყო დამონტაჟებული - ეს განცხადება მკვლელობაში ბრალდებულის, გია სოსანაშვილის ადვოკატმა თოქ-შოუ ,,არჩევანში“ გააკეთა.

სოსო ჯოგლაძე აცხადებს, რომ ასაფეთქებელი მოწყობილობის ასეთ ადგილზე დამონტაჟებით შეუძლებელი იყო, რომელიმე პირის ლიკვიდაციის დაგეგმვა. ადვოკატი მიიჩნევს, რომ ამის მიზანი ვაზაგაშვილების ოჯახის ან ადგილობრივი მოსახლეობის დაშინება იყო.

ჯოგლიძის განცხადებით, იური ვაზაგაშვილი შემთხვევით აფეთქებას ემსხვერპლა. ადვოკატი ამბობს, რომ გასვენება სადაც ვაზაგაშვილი იყო მისული, ცერემონია ერთი საათით ადრე დაიწყო, ,,ვაზაგაშვილი ცერემონიამდე ადრე მივიდა საფლავზე, რათა გაესუფთავებინა, რომ შემდეგ ხალხი მისულიყო მისი შვილის საფლავზე“ - ამბობს ადვიკატი. მისი თქმით, თუკი ცერემონიის შემდეგ არა მხოლოდ ვაზაგაშვილი, არამედ სხვებიც უნდა მისულიყვნენ მისი შვილის საფლავზე. ჯოგლიძე აცხადებს, რომ აქედან გამომდინარე, არავინ იცის ვინ შეიძლება აფეთქებულიყო საფლავზე მისვლის დროს.

მას მიაჩნია, რომ ასაფეთქებელი საშუალების მიზანი ვაზაგაშვილების ოჯახის ან ადგილობრივი მოსახლეობის დაშინებას ისახავდა მიზნად.

თოქშოუ "არჩევანში" გია სოსანაშვილის ადვოკატმა, სოსო ჯოგლიძემ, აღნიშნა, რომ მისი დაცვის ქვეშ მყოფი სოფელ ყარაფილაში 19 იანვას მივიდა. ჯოგლიძე ამბობს, რომ ამ ინფორმაციას ადგილობრივებიც ადასტურებენ.

უფლებადამცველის განცხადებით, 19 იანვრის ღაამით კი თავად ვაზაგაშვილების ოჯახის გადაწყვეტილებით სასაფლაო გაიწმინდა. შესაბამისად, ჯოგლიძე აცხადებს, რომ სასაფლაოზე ასაფეთქებელი საშუალება 19 იანვარს არ დამონტაჟებულა.