რუსეთის გენერალური პროკურორის, იური ჩაიკას განცხადებით, იანუკოვიჩის ექსტრადირებასთან დაკავშირებით უკრაინის მოთხოვნას, არ დააკმაყოფილებს.

„ვიქტორ იანუკოვიჩის ექსტრადირებასთან დაკავშირებით, უკრაინელი პროკურორის მოთხოვნას აუცილებლად ვუპასუხებთ. პასუხი კი უარყოფითი იქნება, რადგან მის გასამართლებას პოლიტიკური მოტივით ცდილობენ“ - განაცხადა ჩაიკამ.

მისი თქმით, რუსეთის კანონმდებლობა და საერთაშორისო სამართლებრივი დოკუმენტები, უცხო ქვეყნის მოქალაქის ექსტრადირებას ეწინააღმდეგება, როცა დევნა პოლიტიკურ ხასიათს ატარებს.

„ჩვენი გადაწყვეტილება ეროვნული კანონმდებლობისა და საერთაშორისო სამართლის პრინციპებს ეყრდნობდა“ -დასძინა რუსეთის გენერალურმა პროკურორმა.

უკრაინის მთავრობამ, ყოფილი პრეზიდენტის ექსტრადირების თხოვნით, ოფიციალური განცხადება რუსეთს ერთი კვირის წინ გაუგზავნა.