ხმელთაშუა ზღვაში ჰიპოთერმიას 29 მგზავრი ემსხვერპლა.

იტალიის სანაპირო დაცვის ინფორმაციით, მაშინ როდესაც ჩრდილოეთ აფრიკელი მიგრანტები ევროპაში ნავით გადასვლას ცდილობდნენ, მოულოდნელად ძლიერი შტორმი დაიწყო.

წყლისა და ჰაერის დაბალ ტემპერატურას მგზავრთა ნაწილმა ვერ გაუძლო და დასახმარებლად სანაპირო დაცვას დაუკავშირდნენ. მაშველებმა მგზავრებს კუნძულ ლამპედუზასთან მიაგნეს და მათი ევაკუაცია მოახდინეს. ნავზე სულ 105 მგზავრი იმყოფებოდა, მათგან 29 ყინვისგან გარდაცვლილი დახვდათ.

სავარუდოდ, მიგრანტები ყინვაში 18 საათის განმავლობაში იმყოფებოდნენ.

ბოლო წლების განმავლობაში, ჩრდილოეთ აფრიკიდან იტალიაში ათიათასობით ადამიანი გადავიდა, რომელთა უმეტესობა ომსა და კონფლიქტებს გაექცა.