დღეს, ბრიუსელში გამართულ ევროსბჭოს სხდომაზე, საგარეო საქმეთა მინისტრებმა რუსეთის წინაღმდეგ დაწესებული სანქციები გაამკაცრეს.

ამის შესახებ, „ტვიტერის“ გვერდზე „რადიო თავისუფლების“ კორესპოდენტი, რიკარდ იოზვაკი წერს.

„ევროსაბჭოს წევრი ქვეყნების საგარეო საქმეთა მინისტრებმა გადაწყვიტეს, რუსეთის 19 მოქალაქეს სავიზო სანქციები დაუწესონ, ხოლო 5 კომპანიას კი ანგარიშები გაუყინონ. გადაწყვეტილება ძალაში 16 თებერვლიდან შევა“- წერს ჟურნალისტი.

გამოცემა „ლე ფიგაროს“ ცნობით, ინფორმაცია სანქციების გაფართოებასთან დაკავშირებით, საფრანგეთის საგარეო საქმეთა მინისტრმა, ლორან ფაბიუსმაც დაადასტურა.