იური ვაზაგაშვილის აფეთქებაში ბრალდებული გია სოსანაშვილის მეზობლები „ნიუპოსტთან“ საუბრისას ბრალდებულს დადებით პიროვნებად ახასიათებენ და ამბობენ, რომ მისი ოჯახი მძიმე სოციალურ პირობებში ცხოვრობს. ერთ-ერთი მეზობელი გვიყვება, რომ სოსანაშვილი ბოლო დროს ავადმყოფობდა და წამლების შესაძენათ თანხა მისგან ისესხა.

„მაგას ვინც აკეთებს ან ფული უნდა აიღოს ან რაღაცა, ეგ ნემსებს იკეთებდა. ჩემთან ამოვიდა 50 ლარი მართლა მე მივეცი. ჯერაც არ მოუცია, ეხლა როგორ ვთხოვო. ტიროდა დედამისი ისე გამომართვა, ნემსებს იკეთებს და ფული არ მაქვსო. ჭკუაზე არ ვარ ეხლაც, რისთვის უნდა გაეკეთებინა ეგ ამბავი იმ ოჯახთან არანაირი კონფლიქტი არ ჰქონდა და არაფერი. არც იცნობდა და რა შურისძიება ჰქონდა, რომ გაეკეტებინა არ ვიცი“, - ამბობს მარო სოსანაშვილი.