გერმანიის კაცლერმა, ანგელა მერკელმა ვლადიმერ პუტინს ულტიმატუმი წაუყენა და დრო ოთხშაბათამდე მისცა. ამის შესახებ, The Wall Street Journal-ი დასავლელ პოლიტიკოსებზე დაყრდნობით წერს.

გამოცემის თანახმად, ანგელა მერკელი, რომელიც საჯაროდ ეწინააღმდეგება უკრაინისთის ლეტალური იარაღის გადაცემას ვლადიმერ პუტინს დაემუქრა. იმ შემთხვევაში თუკი პუტინი აღმოსავლეთ უკრაინაში აგრესიას არ შეწყვეტს და ობამა უკრაინისთვის იარაღს გადაცემას გადაწყვეტს, გერმანია მას მხარს დაუჭერს და რუსული კომპანიების წინააღმდეგაც ახალ სანქციებს შემოიღებს.

სტატიაში ნათქვამია, რომ მოსკოვში გამართული მოლაპარაკებების უშედეგოდ დასრულებამ, უკრაინის იარაღით მომარაგების შანსები გაიზარდა.

შეგახსენებთ, 11 თებერვალს მინსკში პოროშენკო-პუტინი-ოლანდი-მერკელის შეხვედრაა დაგეგმილი.

გამოცემის თქმით, მერკელი იმედოვნებს, რომ პუტინი საფრანგეთისა და გერმანიის შეთავაზებულ გეგმას დათანხმდება და კონფლიქტის ზონაში სამხედრო მოქმედებებს შეწყვეტს, წინააღმდეგ შემთხვევაში კი ფინანსური სანქციებითა და უკრაინის შეიარაღებით იმუქრება.

აღსანიშნავია, ვლადიმერ პუტინის პრესსპიკერმა, დიმიტრი პესკოვმა ერთერთ ინტერვიუში განაცხადა, რომ რუსეთის პრეზიდენტს ულტიმატუმის სახით ვერავინ დაელაპარაკება.

„არასოდეს არავის უსაუბრია და ვერც შეძლებს პრეზიდენტთან ულტიმატუმის ტონით ლაპარაკს“ -განაცხადა პესკოვმა.