რუსეთის პრეზიდენტი, ვლადიმერ პუტინი თვლის, რომ „ისლამური სახელმწიფოს“ ბოევიკებზე განხორციელებული საჰაერო თავდასხმები არაეფექტური და არალეგიტიმურია.

„სამწუხაროდ, იძულებული ვარ ვთქვა, რომ ანტიტერორისტული კოალიციის ქმედებები და ტაქტიკა, საფრთხის მასშტაბსა და ბუნებას ვერ პასუხობს. ერთი საჰაერო დარტყმით მათ ვერ გაუმკლავდებიან“ - განაცხდა ვლადიმერ პუტინმა ეგვიპტურ გაზეთ, „ალ აჰრამთან“ ინტერვიუში.

„ამგვარი ქმედებები უკანონოა, რადგან გაეროს უშიშროების საბჭოს სანქციის გარეშე განხორციელდა და ხშირად იმ სახელმწიფოს თანხმობის გარეშე ხორციელდება, რომლის ტერიტორიაზეც ანტიტერორისტულ ოპერაციებს ატარებენ“ - დასძინა პუტინმა.

მისი თქმით, ის რაც დღეს სირიასა და ერაყში ხდება, ახლო აღმოსავლეთში გატარებული არასწორი პოლიტიკის შედეგია.