აღმოსავლეთ უკრაინაში ვითარება კვლავ დაძაბულია. უკრაინის ანტიტერორისტული ოპერაციების პრესსამსახურის განცხადებით, გასული დღე-ღამის განმავლობაში, ბოევიკების მიერ დებალცევოს დაბომბვას 5 მშვიდობიანი ადგილობრივი მაცხოვრებელი და 9 უკრაინელი ჯარისკაცი ემსხვერპლა. ხოლო უკრაინელი ჯარისკაცების შეტევების შედეგად, 200 "ბოევიკი" და მათი სამხედრო ტექნიკა განადგურდა.

პრორუსულმა სეპარატისტებმა, უკრაინელი სამხედროების პოზიციების მიმართულებით ცეცხლი 71-ჯერ გახსნენ.

ძლიერი აფეთქება მოხდა დონეცკშიც, თუმცა მსხვერპლისა და აფეთქების გამომწვევი მიზეზების შესახებ ინფორმაცია, ჯერჯერობით არ ვრცელდება.

დონეცკში სროლის ხმა ამ წუთებშიც ისმის.