იური ვაზაგაშვილის მკვლელობაში ბრალებული გიორგი სოსანაშვილი 2013 წლიდან დღემდე ქვემო ქართლის სამხარეო მთავარი სამმართველოს პოლიციის განყოფილებაში საქმიანობდა.

წალკის რაიონის მთავარი სამმართველოს უფროსი ამბობს, რომ სოსანაშვილი დეტექტივის თანაშემწე იყო.

„2013 წლიდან გიორგი სოსანაშვილი მუშაობდა წალკის რაიონულ სამმართველოში დეტექტივის თანაშემწის თანამდებობაზე. იმ ფაქტთან დაკავშირებით რაც მოხდა დამატებით კომენტარს ვრ გავაკეთებ, რადგან არ ვარ კომპეტენტური“, - განაცხადა ნიკოლოზ გადელიამ.

იური ვაზაგაშვილის საქმესთან დაკავშირებით განცხადება მთავარ პროკურატურაში გუშინ გაკეთდა. საქმეზე დაკავებულია გიორგი სოსანაშვილი, რომელსაც ბრალი ოფიციალურად უკვე წარუდგინეს, თუმცა ის ამ დრომდე დანაშაულს არ აღიარებს.