ე.წ. კორტების სპეცოპერაციის საქმე, რომელიც პროკურატურამ რამდენიმე დღის წინ გახსნილად გამოაცხადა, სქმის ოფიციალურ მოტივში ეჭვი შეაქვს ალექსანდრე ხუბულოვის მეუღლეს. ,,სასაცილოა, საშკას რაღაც ცოდნოდა და მივიდა, ჩაუშვა და ამიტომ ამხელა რაზმი შეკრიბეს და მოკლეს... ცოტა არადამაჯერებელი ვერსიაა“ - ამბობს ხუბულოვის მეუღლე ანა თათარაშვილი ,,იმედის კვირის“ სიუჟეტში.

,,გამოძიებას ველოდებით, კიდევ იქნება ალბათ ბევრი პროცესი და გამოკვეთება ალბათ მოტივაციები“ - აცხადებს ალექსანდრე ხუბულოვის სიდედრი რუსუდან თურმანიძე.

ლევან ფირცხალავა, ირაკლი ფირცხალავას ძმა ამბობს, რომ ის ნარკოტიკების მოხარებისთვის მართლაც დააკავეს, ,,რა ინტესი უნდა ქონოდა ადამიანთან, რომელსაც არ იცნობს და არანაირი კონტაქტი არ აქვს. ირაკლი ისეთი ადამიანია, თუ ასეთ რამეს გაიგებდა, სხვნაირად მოაგვარებდა და სხვანაირად მიხედავდა“ - აცხადებს ლევან ფირცხალავა.

თავად ირაკლი ფირცხალავამ სასამართლო პროცესზე განაცხადა, რომ მისი ძმის დაკავებასთან ხუბულოვს არაფერი საერთო არ ქონია. პოლიციის ყოფილი მაღალჩინოსანი ამბობს, რომ ხუბულოვი ინფორმატორი არ ყოფილა, ხოლო პროკურატურამ მის შვილებს მამა ინფორმატორად გამოუცხადა.

პროკურატურის განცხადებაში ნათქვამია: ,,პროკურატურის მიერ ჩატარებული გამოძიებით დგინდება შემდეგი: 2006 წლის მაისში, საქართველოს შინაგან საქმეთა სამინისტროს ცენტრალური კრიმინალური პოლიციის დეპატამენტის ხელმძღვანელი პირების მიერ დაიგეგმა და განხორციელდა სპეცოპერაცია, რომელიც ზურაბ ვაზაგაშვილის და ალექსანდრე ხუბულოვის მკვლელობით დასრულდა. სპეცოპერაციის ჩატარებას წინ უსწრებდა ცენტრალური კრიმინალური პოლიციის დეპარტამენტის დირექტორის მოადგილის ირაკლი ფირცხალავას პირადი დაინტერესება ალექსანდრე ხუბულოვის მიმართ, ასევე იმ პერიოდში სამართალდამცავ ორგანოებში დამკვიდრებული დანაშაულთან ბრძოლის ნულოვანი ტოლერანტობის და კრიმინალთან ბრძოლისათვის სასტიკი მეთოდების პროპაგანდა, რაც გულისხმობდა წინასწარ „დამნაშავედ“ მონათლული პირების ლიკვიდაციას“.