მისივე განცხადებით, იური ვაზაგაშვილის საფლავზე აფეთქების შემდეგ, გია სოსანაშვილმა სატელეფონო ზარი განახორციელა. ჭკადუამ ისიც აღნიშნა, რომ სოსანაშვილი და ირაკლი ფირცხალავა ასევე დაკავებული სპეცრაზმელები ერთმანეთს კარგად იცნობენ. რაც შეეხება ჟურნალისტების მიერ დასმულ შეკითხვას, დაურეკა თუ არა სოსანაშვილმა ირაკლი ფირცხალავას, ჭკადუა ღიმილით პასუხობს რომ მას ეს არ უთქვამს.
მთავარი პროკურორის მოადგილემ ირაკლი შოთაძემ დღეს გამართულ საგანგებო ბრიფინგზე აღნიშნა, რომ იური ვაზაგაშვილის მკვლელობის ერთ-ერთ ვერსიად მისი შვილის მკვლელობის საქმეც განიხილება.
პოლიციის თანამშრომელი გიორგი სოსანაშვილი სამართალდამცავებმა გუშინ დააკავეს და მას ბრალად იური ვაზაგაშვილის განზრახ მკველელობა ედება, რაც 11-დან 14 წლამდე პატიმრობას ითვალისწინებს. პროკურატურის თქმით, სოსანაშვილის დაკავება დე ენ ემ-ის ანალიზის საფუძველზე მოხდა.
მასალის გამოყენების პირობები






