მკვლელობაში ბრალდებული სოსანაშვილი ვაზაგაშვილის ოჯახს იცნობდა

სამართალი - 17:14, 08 Feb, 2015

4196

იური ვაზაგაშვილის ოჯახის ადვოკატები აცხადებენ, რომ დაკავებული გია სოსანაშვილი იური ვაზაგაშვილის ოჯახს იცნობდა, თუმცა მათ შორის არანაირ უთანხმოებას ადგილი არ ჰქონია. ადვოკატები შურისძიების მოტივს გამორიცხავენ. ამის შესახებ მათ ჟურნალისტებს პროკურატურიდან გამოსვლის შემდეგ განუცხადეს.

"პირადი შურისძიება ამ პიროვნების მხრიდან იური ვაზაგაშვილის მიმართ შეიძლება ითქვას, რომ გამორიცხულია, სხვა დანარჩენ კითხვაზე პასუხის უკვე გასცემს პროკურატურა. დამკვეთიც შემსრულებელიც აღმსრუელებელიც და ორგანიზატორიც არიან დანაშაულის ცამდენი პირები. დღეს გამოძიებამ შეძლო ის , რომ აღმსრულებელი დააკავა, ხოლო დანარჩენ სხვა პირებთან დაკავშირებით გამოძიების ეფქტურობის იმედი მაქვს,"-განაცხადა გაგი მოსიაშვილმა.

საქართველოს პროკურატურის მეირ კასპის ტაიონის სოფელ ყარაფილაში მოხდარი აფეთქების შედეგად მოკლული იური ვაზაგაშვილის მკვლელი დაკავებულია. ის პოლიციის თანამშრომელი გია სოსანაშვილია. - ამის შესახებ განცხადება პროკურატურაში გამართლ საგანგებო ბრიფინგზე გაკეთდა.

პროკურატურის განცხადებით, 2015 წლის 20 იანვარს, ახლობლის დაკრძალვაზე, კასპის რაიონის სოფელ ყარაფილაში ჩასული იური ვაზაგაშვილი მივიდა საკუთარი შვილის ზურაბ ვაზაგაშვილის საფლავზე, სადაც იგი სასაფლაოზე დამონტაჟებული ასაფეთქებელი მოწყობილობის აფეთქების შედეგად ადგილზევე გარდაიცვალა.

გამოძიების მიერ შემთხვევის ადგილის დათვალიერებისას ამოღებული იქნა საფლავზე აფეთქებული ხელყუმბარის ნაწილი ე.წ. „ფალიის სახელური“, რომელზედაც ჩატარებული ექსპერტიზით აღმოჩენილი იქნა ადამიანის დნმ-ის კვალი.

გამოძიებით გადამოწმდა მობილური სატელეფონო ოპერატორების მომსახურე ანძებზე დაფიქსირებული აბონენტების ვინაობა, დაიკითხა ათეულობით მოწმე, განისაზღვრა დანაშაულის შესაძლო ჩამდენ პირთა წრე, რომელთა მიმართ საქართველოს შსს-ს გენერალური ინსპექციისა და კონტრდაზვერვის დეპარტამენტთან ერთად ჩატარებული ოპერატიულ-სამძებრო და საგამოძიებო მოქმედებების შედეგად დადგენილი და დაკავებული იქნა პოლიციის თანამშრომელი გია სოსანაშვილი, რომელიც როგორც გამოძიებით დადგინდა, 2015 წლის 19-20 იანვარს იმყოფებოდა კასპის რაიონის სოფელ ყარაფილას ტერიტორიაზე და რომლის დნმ-ი გენეტიკური ექსპერტიზის დასკვნის თანახმად დაემთხვა შემთხვევის ადგილიდან (ზურაბ ვაზაგაშვილის საფლავი) ამოღებულ ასაფეთქებელი მოწყობილობის ფალიის სახელურზე აღმოჩენილ დნმ-ს. ამდენად, უტყუარად შეიძლება ითქვას, რომ იური ვაზაგაშვილი მოკლული იქნა გია სოსანაშვილის მიერ საფლავზე დამონტაჟებული ხელყუმბარის აფეთქების შედეგად.

საქმეზე გრძელდება გამოძიება დამამძიმებელ გარემოებაში ჩადენილი განზარხ მკვლელობის კვალიფიკაციით, საქართველოს სისხლის სამართლის კოდექსის 109-ე მუხლის პირველი ნაწილის ,,გ“ ქვეპუნქტით, რაც სასჯელის სახით ითვალისიწინებს თავისუფლების აღკვეთას 11 დან 14 წლამდე ვადით.