რამზან კადიროვი პოროშენკოს და სააკაშვილს მასხარას უწოდებს

მსოფლიო - 22:24, 07 Feb, 2015

5223

მასხარად დაბადებული ადამიანი ვერასდროს გახდება მეფე, თუნდაც წლობით ხეხოს შარვალი სამეფო ტახტზე - ასე ეხმაურება ჩეჩნეთის ლიდერი რამზან კადიროვი მიხეილ სააკაშვილის უკრაინულ ტელეარხთან მიცემულ ინტერვიუს. „უკრაინის არმიას მთელი რუსეთის დაპყრობა შეუძლიაო“, - სააკაშვილის სიტყვების ციტირებას ახდენს კადიროვი. სრულიად რუსეთის დაპყრობა ვერავინ ვერასდროს ვერ შეძლო, მითუმეტეს ვერ შეძლებს ამას სააკაშვილი და პოროშენკო, რომლებიც უკანმოუხედავად გაიქცევიან კანადის საზღვრამდე, საკმარისია მოსკოვმა ერთი დააბაკუნოს ფეხი. საბოლოო ჯამში უკრაინა და რუსეთი მშვიდობიანად და თანხმობით იცხოვრებან, უნდათ თუ არა ეს სააკაშვილსა და პოროშენკოს. რუსეთს არასდროს ჰქონია მიზნად უკრაინის დაპყრობა. ჩვენ გვნდა მშვიდობიანი, ეკონომიკურად განვითარებული, ფაშიზმისგან თავისუფალი, ძმური უკრაინა“ - წერს კადიროვი.

ჩეჩნეთის ლიდერი სააკაშვილის მსგავსად პოროშენკოსაც მასხარას უწოდებს.

,,ამერიკელებმა დაიჭირეს სააკაშვილი და დასვეს საქართველოს პრეზიდენტად. ის კიდევ, ქვეყნის მართვის ნაცვლად, ხან ჰალსტუხებს ჭამდა, ხან ორღობეებში იმალებოდა. და ეს მასხარა, რომელსაც მშობლიური პოლიცია ეძებს, რათა ციხის გალაიში ჩასვას, უკრაინას რჩევებს აძლევს, როგორ დაამარცხოს რუსეთი. და როგორი მასხარაა ეს პოროშენკო, რომელიც ამ ტაკიმასხარას უსმენს? „ - წერს კადიროვი.