თავდაცვის ყოფილი მინისტრის ბაჩო ახალაიასა ადვოკატი მალხაზ ველიჯანაშვილი პროკურატურაში ახალ ბრალს გაეცნო. როგორც საგამოძიებო უწყებიდან გამოსვლის შემდეგ ველიჯანაშვილმა განაცხადა, საქმეში დამატებულ ეპიზოდზე საუბარია იმაზე, რომ მეგის ქარდავამ მიითვისა თანხა, რაჩის მას ბაჩო ახალაია და მისი მოადგილე ნიკოლოზ ძიმცეიშვილი დაეხმარნენ.

„ბრალდება მხოლოდ ერთი ადამიანის ჩვენებაზეა აგებული. ეს ადამიანი სწორედ ისაა, ვინც შექმნა ყალბი დოკუმენტაცია და პასუხისგებაში დღემდე არ არის მიცემული. რაც შეეხება აღკვეთ ღონისძიებას, პროკურატურა გადაწყვეტს მიმართავს თუ არა სასამართლოს. ბაჩო ახალაიასთან დაკავშირებით კი ფიზიკურად ვერ მიმართვს, რადგან ამ საქმეზე მას აღკვეთის ღონისძიება ისედაც შეფარდებული აქვს“, - განაცხადა ველიჯანაშვილმა.