რატომ დააკავა გურიის პოლიციის მაღალჩინოსანმა 21 წლის გოგონა

სამართალი - 16:18, 07 Feb, 2015

13130

გურიის პოლიციის მაღალჩინოსანის მიერ, ამ დღეებში, 21 წლის ოზურგეთელი გოგონას დაპატიმრებამ, საზოგადოებაში არაერთგვაროვანი რეაქცია გამოიწვია.

საზოგადოების უმრავლესობა, მის ქმედებას აპროტესტებს და არაპროფესიონალიზმსა და ძალაუფლების გადამეტებაში ადანაშაულებს.

როგორც "გურიის მოამბეს" თვითმხილველებმა აცნობეს, ინცინდენტი, ამ დღეებში, ქალაქ ოზურგეთში, სუპერმარკეტ "მოდერნიში".

ინცინდენტის შემსწრე ადამიანთა მტკიცებით, პოლიციის უფროსის მოადგილე, რომლის ბრძანებითაც დააკავეს გოგონა, საზოგადოებას სიტყვიერ შეურაცხყოფას აყენებდა.

მეტიც, როგორც ერთ-ერთი თვითმხილველი ამბობს, მან ხმამაღლა "დაიგინა" კიდეც, "ამას მთელი ღამე პოლიციაში ვაყურყუტებო". ამავე მაღალჩინოსანმა ადგილზევე გასცა გოგონას დაპატიმრების ბრძანება.

მართლაც, დაკავებული ოზურგეთის წინასწარი დაკავების იზოლატორში 173-ე მუხლით, პოლიციისადმი დაუმორჩილებლობა მოათავსეს და მეორე დღეს, ის სასამართლოს წინაშე წარსდგა.

შსს პრეს სამსახურის ცნობით ქალაქ ოზურგეთში მცხოვრებ 21 წლის ახალგაზრდა გოგონას (რომლის სახელსა და გვარს და ინიციალებსაც, რედაქცია გასაგები მიზეზის გამო არ ასახელებს), ოზურგეთის რაიონულმა სასამართლომ, პოლიციისადმი დაუმორჩილებლობის ბრალდებით 250 ლარიანი ჯარიმა შეუფარდა.