კვლევა, რომელსაც შვეიცარიის აკადემიური ქსელი (AშჩN) აფინანსებს, ორეტაპიანია. კვლევის პირველი ეტაპი, რომელიც თვისებრივი კვლევის, კერძოდ, ექსპერტული ინტერვიუების ჩატარებას გულისხმობდა, 2012 წელს ჩატარდა.

თვისებრივი კვლევის ანგარიში ისეთ საკითხებს ეხება, როგორებიცაა საქართველოს სოციალური მედიის ფუნქციები, განვითარების ტენდენციები და მომავალი პერსპექტივები, ასევე, "ლიბერალური მოდელი", მედიოკრატია, პოლიტიკის ველისა და სოციალური მედიის მიმართება, ცენზურისა და თვითცენზურის პრობლემები; სოციალური მედიის გავლენა ქართველთა პიროვნულ მახასიათებლებსა და ეროვნულ იდენტობაზე, სოციალური მედია და ვირტუალურისა და რეალურის ურთიერთმიმართების პრობლემა.

პრეზენტაციაზე ასევე, გაჟღერდა მეორე ეტაპის - რაოდენობირვი კვლევის წინასწარი შედეგები. რაოდენობრივი კვლევის ფარგლებში საქართველოს მასშტაბით, შემთხვევითი წესით1 000 (ათასი) რესპონდენტი გამოიკითხა. რაოდენობრივი კვლევის ანგარიშის მომზადება მიმდინარე წლის გაზაფხულზე იგეგმება.