პარლამენტში საკონსტიტუციო კომისიის ფარგლებში მოსამართლეთა უვადოდ დანიშვნის საკითხთან დაკავშირებით მორიგი სხდომა იმართება. აღნიშნულ საკითხზე ჯგუფის წევრების აზრი ორადაა გაყოფილი.

იუსტიციის მინისტრის მოადგილის ალექსანდრე ბარამიძის თქმით, ნორმა, რომლის მიხედვითაც მოსამართლეები 3-წლიანი გამოსაცდელი ვადით უნდა დაინიშნონ, უკვე გაწერილია საქართველოს კონსტიტუციაში და ის ამ ნორმის შეცვლის აუცილებლობას ვერ ხედავს.

ექსპერტთა ნაწილი კი მიიჩნევს, რომ გარდამავალ დებულებაში შეიძლება ჩაიწეროს, რომ გარკვეული ვადის გასვლის შემდეგ მოსამართლეები უვადოდო დაინიშნონ.