ცოდვის დედა და განსაცდელის მთავარი მიზეზი ჩვენივე სიამაყეა

ცოდვის დედა და განსაცდელის მთავარი მიზეზი ჩვენივე სიამაყეა - ბერი ერმოლაოსი

რელიგია - 12:36, 07 Feb, 2015

2626

,,ზოგიერთი ადამიანის ცხოვრება განსაცდელების უწყვეტი ჯაჭვია, იმდენად დამთრგუნველი, რომ ადამიანი თითქმის სასოწარკვეთილებამდე მიდის. რატომ ხდება ასე, რატომ არ აძლევს მოწყალე უფალი მას საშველს? ჩვენი სიამაყეა ამის მთავარი მიზეზი. უფალმა იცის, რომ სწორედ სიამაყეა ყველა ცოდვის დედა, ამიტომ უშვებს ჩვენზე განსაცდელებს, რომ ეს მანკიერება დავძლიოთ. ჩვენ ყველას გვაქვს უამრავი შინაგანი სტერეოტიპი, რომელთა უმრავლესობა ჩვენი სიამაყის ნიადაგზეა აღმოცენებული და სანამ მათ ველოლიავებით განსაცდელებიც არ მოგვშორდება. ნებისმიერი გზით «წარმატების» მიღწევა, «გამარჯვების» ჟინი, ცხოვრების სხვებზე უკეთ მოწყობის მისწრაფება და უამრავი მსგავსი სტერეოტიპი ჩვენი სიამაყის სტერეოტიპული გამოვლინებებია. მხოლოდ მათი სრული უარყოფა და უფლისადმი სრული ნდობა არის გამოსავალი, მაგრამ აქ დიდი პრობლემაა სწორედ ის, რომ ჩვენ ამ სტერეოტიპების ჩვენში აღმოჩენის უნარი დავკარგეთ, ამიტომ ვერ ვხედავთ პრობლემის არსს და დაჟინებით ვუმტკიცებთ საკუთარ თავს და გარემომცველ სამყაროს, რომ სულაც არა ვართ ამაყები. მხოლოდ ღრმა სინანულით და გულშემუსვრილი ლოცვით გვეხილება შინაგანი თვალები და ვიწყებთ ჩვენს შეგნებაში ღრმად დამარხული სიამაყის თესლის აღმოჩენას, რომლის სრული ამოძირკვა მხოლოდ თავდადებული სიყვარულითაა შესაძლებელი“.