ნატოს ყოფილი გენერალური მდივანი, ანდერს ფოგ რასმუსენი შიშობს, რომ პუტინმა ბალტიისპირეთზე შესაძლოა ჰიბრიდული თავდასხმა განახორციელოს.

მისი თქმით, ვლადიმერ პუტინს უკრაინასთან მიმართებით სახიფათო ამბიციები გააჩნია და ევროპის ქვეყნების სიძლიერის გამოცდა სურს.

„პუტინს რუსეთის დიდების დაბრუნება და ევროპაში დომინანტობა სურს. არსებობს დიდი ალბათობა იმისა, რომ რუსეთმა ბალტიისპირეთს შეუტიოს და ამით ნატო-ს მე-5 პუნქტის რეალურობა შეამოწმოს, რომელიც კოლექტიური უსაფრთხოების დაცვას გულისმობს. მაგრამ პუტინმა უნდა იცოდეს, რომ თუკი წითელ ზღვარს გადააბაჯებს, აუცილებლად დამარცხდება“ -განაცხადა რასმუსენმა.