შინაგან საქმეთა სამინისტრო ვაგზლის მიმდებარე ტეროტორიაზე ქალბატონის მკვლელობის ფაქტს არ ადასტურებს.

როგორც „ფეისბუქზე“ შსს-ს პრესსამსახურის უფროსი ნინო გიორგობიანი წერს, დანიშნულია რამდენიმე ექსპერტიზა, რაც გარდაცვალების მიზეზს გაადგენს.

„ეს ვერსია ამ ეტაპზე არ დასტურდება! ეს ქალბატონი სახლში ნახეს გარდაცვილი, დანიშნულია ექსპერტიზა რათა დადგინდეს გარდაცვალების მიზეზი, არც მძარცველების იქ ყოფნა დასტურდება! მიმდინარეობს საგამოძიებო მოქმედებები და გაირკვევა მომხდარის მიზეზი“, - წერს გიორგობიანი.

არსებული ინფორმაციით, ვაგზლის მიმდებარე ტერიტორიაზე მძარცველებმა ქალი საკუთარ სახლში გაგუდეს, ბინიდან კი ფული და ოქროს სამკაულები წაიღეს.