თენგიზ შერგელაშვილი "ქართუ ბანკის" თელავის ფილიალში კომპენსაციების გაცემის პროცესს დაესწრო

საზოგადოება - 15:53, 25 Jan, 2013

462

თენგიზ შერგელაშვილმა კომპენსაციის ასაღებად მოსულ გლეხებს დეტალურად განუმარტა საკომპენსაციო თანხის დათვლის მეთოდოლოგია და მიაწოდა ინფორმაცია იმის შესახებ, თუ რამდენ ხანს გაგრძელდება და რამდენ ეტაპად გახორციელდება კომპენსაციების გაცემის პროცესი. ამის შემდეგ, თენგიზ შერგელაშვილი თელავის დემოკრატიული ჩართულობის ცენტრს ეწვია, სადაც ადგილობრივი არასამთავრობო ორგანიზაციების წარმომადგენლებსა და მოსახლეობას შეხვდა. შეკრებილ საზოგადოებას 2012 წლის სტიქიის შედეგების დათვლის დეტალებზე ესაუბრა და ზარალის დადგენის მეთოდოლოგია განუმარტა.

დღესვე, თენგიზ შერგელაშვილი გურჯაანის მუნიციპალიტეტის სოფელ კალაურშიც იმყოფებოდა. აღნიშნულ სოფელში უკვე მეორე დღეა, კომპენსაციების გაცემის პროცესი მიმდინარეობს. მინისტრის პირველი მოადგილე სოფლის მოსახლეობას შეხვდა, რის შემდეგაც კალაურის ერთ-ერთ მაცხოვრებელს ნიკოლოზ ჭოტიშვილს სახლში ეწვია. 2012 წლის ივლის-აგვისტოში მოსულმა სტიქიამ ნიკოლოზ ჭოტიშვილს 2 ჰექტარზე ტერიტორიაზე განლაგებული სასოფლო-სამეურნეო ნათესები მთლიანად გაუნდაგურა. მან 100%-იანი ზარალი ნახა, რისთვისაც წინა მთავრობისაგან 1500 ლარი, ხოლო ამჟამად - 10 700 ლარი მიიღო კომპენსაციის სახით.

შეგახსენებთ, რომ კომპენსაციების გაცემის პროცესი უკვე 2 დღეა, მიმდინარეობს და კიდევ რამდენიმე კვირას გაგრძელდება.