მთავარ პროკურატურაში არ ადასტურებენ ინფორმაციას, რომ იური ვაზაგაშვილის საქმეზე ექსპრემიერის ბიძინა ივანიშვილის დაკითხვა იგეგმება.

ამის შესახებ „ნიუპოსტს“ უწყების პრესსამსახურში განუცხადეს.

ცოტა ხნის წინ მედიაში გავრცელდა ინფორმაციას, რომ ივანიშვილს მიმდინარე კვირის ბოლოს დაკითხავდნენ.

იური ვაზაგაშვილის დაღუპვის შემდეგ, ბიძინა ივანიშვილმა დაადასტურა, რომ იური ვაზაგაშვილს გარდაცვალებიდან რამდენიმე დღით ადრე შეხვდა. სწორედ ამის შემდეგ გაჩნდა ვარაუდი, რომ შესაძლოა საგამოძიებო უწყების კითხვებს ექსპრემიერმაც უპასუხოს.